Ig Prins Coen de ieësjte, Prins van ut Keeschjeriek, Hertog van de Mestreechterweag, Graof van Fortuna, Ridder in de orde van ’t fitserenne, FC Kölle, Woander Forest, de BDV en ‘t leidingwater. Verkloar hiebie trouw te blieve aan ut Keeschjeriek en aan al zien wette. Zo waorlik helpe mich ut masker.
Ig gaon in 2024 regere euver alle Knup en Knupkes van Bengelder. Haopelik zurgt gier same mit mich d’r vuur dat ’t daak d’r weer aaf geet de kommende Vasteloavend.
Hiebie wil ich dan oog uvergoan mit ut vuurleaze van mien illuf Vasteloavendswette:
Ten ieësjte: Es 60e Prins van de Keescheknup wil ig, same mit miene wieze Raod van Elf, d’r vuur zurge dat ut weer unne onvergeatelijke Vasteloavend in Bengelder wieërt.
Ten twieëde: Carnaval vieren zit os in ‘t blood. Want nao zelf jeugdprins te zin geweas in 2004, Luc groeëte Prins in 2019 en pap 11 kieër net-neet, moog ich mich dit jaor Prins van de Keescheknup neume. Een geweldige ier!
Ten driede: Zo es g’r misjiens wet bin ich inne sjportieve jong. Op de fiets, of aan de bal. Mit de Vastelaovend hub ich dao weinig tied veur, dan mot ich neet demareren oet de zaal, mer in de zaal.
Ten veerde: Es groeët fan van FC Kölle, de sjtad en häöre meziek wil ich Zaatte Hermenie ’t Kump en alle DJ’s in ’t OC vraoge om hie en dao get Kölsche meziek ten gehuure te bringe.
Ten viefde: Ich hauwt hieël väöl van ze, en ze zin erg belangriek veur mich. Mien vrunj van de BDV, ofwaal beer-drink-vereniging 500 Miles. Mèn, weet dat ich op
carnavalszaoterdig de Merret in Zitterd perseunlik zal aafsjleete, zodat g’r zo lang meugelik hie kint blieve.
Ten zusde: Es paetenonk van Lhoé en omdat ich mich bie Fortuna vaöl veur kènjer inzit, ving ich ut oog hiël belangriek dat alle kènjer mit doon aan de Vasteloavend en mitlope in de optocht. Doa gaon ich vanaaf murge hel mien bes veur doon!
Ten zieëvende:Ich bin op zeuk nao versjillende gegadigde oet de Raod van Elf die wille fungere es toiletongersjteuners. Ich hub dat vief jaor geleije in vast deenstverband bie Luc motte doon, en dat kin ich eigenlijk neemes aanbevaele.
Ten achste: Ich bin eemes dea geer tradities in sjtand helt of wilt truuk bringe! Tis aafhankelik van ’t Vasteloavesprogramma, mer bie deze wil ich uch alvast oetnudige veur inne middig Keesche-pit-sjpieje bie mich aan de Mestreechterweag.
Ten nuugende:Es Prins van de Keescheknup wil ich alle knup & knupes oprope om hun hoeze te verseere en zich te verkleije in de vasteloaves-driekleur. Väöl roeëd estebleef.
Want angesj wear ich doer dat geal-greun alsnog continu aan ’t wirk herinnerd.
Ten tieënde: Wil ich Leon en No bedanke veur de kans die zich mich hübbe gebaoje om alsnog een sjieke biedrage te moge te levere aan ’t veurtbesjtaon van de vasteloavend in os Bengelder.
Ten illuffde: Rempetemp zag ’t sjoeën, en dat wil ich gear aan alle luuj van Bengelder en Beekdaelen mitgeave dizze vastelaovend; ‘vergaet neet te laeve, vergeat neet te lache, en maak dat venaovend de daag wurd gepluk!’
Oetgegeave in ut ontmoetingsscentrum,
Op de der-tiende van de ieësjte, 2024 (Twieëdoezend-veer-en-twintig) Ich Prins Coen de ieësjte, Alaaf – Keescheknup, Alaaf – Bengelder, Alaaf!